(Guangzhou)今日行程：
冸溪酒家、上下九步行街(陶陶居、蓮香樓)、天河城商場、廣州購書中心、滔香源酒家、天河城商場
今日10:00am先起身，一離開酒店便出去影巴士
之後就搭地鐵去食全廣州最大的園林式酒家 － 泮溪酒家，入面有好多個細廳，仲有湖同園林瀑布，大得好誇張…… d野幾好食，我地叫左好多頂點特點(無小點)，埋單都只係￥50。
Then開始shopping，我地返番去上下九步行街，主要係去陶陶居同蓮香樓買餅同蛋卷，仲係附近買左包茉莉花茶，仲有d"正版CD"。
由於太多野，我地先搭地鐵返酒店，之後就再搭地鐵去體育西站，去天河區商場，入面有好大的吉之島，但因大部分係進口貨，中國入口稅貴，所以售價同香港差不多，甚至貴過香港。
接著就走左去對面馬路的廣州購書中心。不愧係書城，成棟樓所有樓層都係賣書，書多得誇張，點解香港無呢d書城？ 我地去左電腦書部(書架係用個software分類)，淨係Flash都霸左一排書架，目不遐給，好多想買，每本只係大概￥30 - ￥40，結果我買左本Flash同Dreamweaver，Eric都買左三本電腦書，我地仲左幾本IELTS的書同錄音帶，為考IELTS試做準備(香港賣的本本都近$100)。但結果因為瘋狂購物，我地over-budget了。
拎住重重的書去左天河城商場入面的滔香源酒家食dinner，食左d未聽聞過的野，但唔多抵食，三碟野食左￥100。原來樓上有自助餐，成人都只係每位￥48。
之後就逛天河城商場，有一間好貴的SONY，then係「春之花」買左好多零食。
夜晚當然又要beer beer，仲一面睇National Geographic。
慶幸今日都無落雨！只知道香港同深圳都落得好嚴重，尋日新聞話香港仲好多山泥傾瀉。
No comments:
Post a Comment