(HK) 
(Guangzhou)今日行程：
地鐵太子站、太子中旅社、落馬州、皇岡、廣州中國大酒店、東北人、南越王墓博物館、越秀公園(廣州博物館、五羊石像)、第十甫路、上下九步行街、珠江、北京路
今朝起唔到身，欠些遲到去太子。一上巴士已經因為座位出現爭吵。
幾經轉輒過左關，轉左另一部巴士直驅廣州。發現大陸的駕駛習慣係鍾意踩線中間行。因為天雨塞車，7:45am係太子上車，差不多11:30am才在廣州落車，坐到腳痺。
可能係個低壓槽未吹到咁入，廣州未有雨。我地先去廣州中國大酒店check-in，一入間房(512)，超興奮，好豪華好正，可惜電視無TVB翡翠台，但TVB明珠同ATV中英文台就有……
開始觀光，先去最就近的「東北人」食東北菜，唔多食得慣，但個餃子就okay！之後去附近南越王墓博物館，第一次入去古墓遺蹟，都幾陰深。
之後去越秀公園，我係香港坐井觀天，一直用維多利亞公園concept來諗呢個越秀公園，點知用左2個半小時先粗略行左半個越秀公園，都只係去左睇廣州博物館同五羊石像兩個景點。香港真係好細！
最搞笑係入越秀公園已經要收費，連入面的廣州博物館要再收費。
行到太累，返入酒店休息下…… 之後搭廣州地鐵去長壽路站，沿第十甫路及上下九步行街一帶shopping同係「荔灣名食家」食dinner(d沙河粉幾好食)；不過沿路都幾多人，要好alert自己的袋同財物；買左件衫同襪，因為帶唔夠，行越秀公園已經大汗濕晒。間間舖頭都有好高效率的人釘人政策，仲差不多一間一security。
行左好長好長的街道，終於到珠江，夜景好靚。
之後行去北京路，以為仲有小販檔，點知得番d普通舖頭，買唔到野…… 惟有搭地鐵返酒店。
發現仲有一個問題，就係我仲未識過馬路，最大問題係無人依交通燈，連車都唔依，每次都係亂衝亂撞，有次仲trap左係d車中間，好驚好危險。
返到酒店，咁大個仔第一次浸浴缸，好正好興奮好滿足。之後一路飲beer一路吹水……
No comments:
Post a Comment