日本 Japan Tour (2007.12.30 - Day 6)

2007.12.30 Sun (Day 6)





京都 Kyoto

可能因為今日星期日，朝早酒店睇電視，除左有《我Miss係大佬》，仲有《交響情人夢》



本諗住去清水寺，但近新年太多人來拜神，又塞車又無車位，轉去嵐山天龍寺

(p.s.: 途經平交路)


勁興奮呀！攝氏4度的情況下落雪呀！



我地先去附近食放題(最飽的一餐)，仲有好好食的豆腐同溫泉蛋


之後仲要在落雪的情況下食抹茶雪糕，又外凍到內


發現京都限定Doraemon，又買

影左好多途經的日本巴士



仲有人力車


渡月橋



嵐山天龍寺





之後我地去大覺寺，只是四點幾，天又開始黑，GPS今次教我地行田路去，去到寺停一停車影影相便走。


夜晚本想去食懷石料理，點知原來新年，去親間間都closed

轉去京都駅，又有JR，又有近鐵，仲有新幹線，就算無得坐，都係車站狂影相




最緊要係有新幹線列車模型(950円)，仲發現JR限定Doraemon，又買



我地係JR京都駅10樓的京都拉麵小路，食拉麵同墨魚丸



係車站周圍逛，發覺商場很早已關門，又無得shopping


我地之後駕著車，試Drive-in的McDonalds，買MEGA TAMAGO餐回酒店當宵夜。

本應係前面對住喇叭落order，但又雞同鴨講，唯有駛去取餐處直接落order，結果後面交通排大隊






頭痛餘下的日円零錢，都唔知點洗

日本 Japan Tour (2007.12.29 - Day 5)

2007.12.29 Sat (Day 5)





和歌山 Wakayama → 京都 Kyoto

今日終於可以浸溫泉，同Vincent先去左係山上的「狼煙の湯」，這個特別好熱；之後再去浸出名的「忘歸洞」，對著太平洋海，再聽著拍浪聲，超級的享受！




Check-out後，逛左陣酒店，對住太平洋影好多相


又係買野的時候，除左明信片，仲發現和歌山限定Doraemon，非買不可。


之後我地過左去勝浦漁市場，我地又食地道的日本料理，d炸物好好味，魚生都好鮮。不過叫野食好辛苦，搞左好耐，雞同鴨講，我地唔識日文/日語，佢地都唔識英文/普通話



今敞旅程其中的重頭環節，就係去郵局寄明信片回家，寄去香港要用70円，即場買左賀08新年的明信片，仲有新年蓋印



之後我地駕車去上去那智山，今次條路絕對係頭D秋名山，實在要連續轉多個髮夾彎




上那智山，去睇熊野那智大社，嚇見原來係世界遺產，當然仲要幫那智瀑布影幅相。




不過那智山「無料」泊車，取車前要幫襯，我地又係雞同鴨講誤打誤撞下叫野食，d腐皮烏冬也不錯

不過我地都覺得咁樣先有feel，之前試過一間食店個waitress用普通話話無位，即無mood


之後我又開展漫長的車程離開和歌山，直驅京都，不過先要餵鮑兩部車


GPS指引的全是髮夾彎的上山路，最搞笑的係上山上到好高，就一條直隧道落山，途中我地都經過左好多種隧道，有些完全係山洞，牆身係鑿出來的石，但永遠隧道係落山的


中途有段被GPS騙左，前路竟然已滿是雜草，接近掘頭路，即轉行旁邊的隧道




不過最大問題係天色漆黑一片，山路周圍好靜無人，激似凌晨三四點，其實只係夜晚八點，日本真係好早入黑

好開心迢途佢地見到消防局就話我知，見到好多有新有舊的消防/救護車，可惜周圍太黑，加上係車入面，影得好差。


最後上高速公路，最快飛到120km/h，結果變左我地逢車過車。

絕對要多謝兩位司機同兩位領航員的堅持，經歴8小時的車程，爬過不知多少的山，穿過不知多少的隧道，飛過不知多少的高速公路，我地係凌晨十二點半(日本時間)由和歌山駛抵京都下榻的酒店。