上海世博行 Shanghai EXPO (2010.09.27 - Day 5)

回程：虹橋機場

呢幾日唔係麥當奴就係杯麵，又食無定時，又非常粗勞，又唔夠訓，結果喉嚨不適

執好行李，食過尋日係FamilyMart埋的飽做早餐，便起行，坐的士去到虹橋機場

檢查爆炸品

_________________

但係因為機票無寫明，我地去錯了二號客運大樓， 二號客運大樓係無國際航班

但一號客運大樓係好遠，要搭接駁巴士，但部接駁巴士要好耐先一班，我地焦急地等左15分鐘有多，而且車程差不多30分鐘，還要趕搭飛機，在場已經有好多同機的乘客鼓噪

好不容易去到一號客運大樓

上到飛機，機長廣播話航空管制，要delay 1小時

香港人.... 果然係香港人，有理無理立即鼓噪

結果有內地人不值其所為，指要等1小時咪少lor，有時要等4-5小時，他指航空管制可能是因為有軍機要起飛

結果未起飛就派飛機餐

我果然係係世博入面買貴左.....好多

但係我越來越病，全程機都好暈好唔舒服，只能夠sleep & mizzy，只希望快d到香港落機

11:20左右才到香港

搭A43回家

___________________________

上海世博行 - 延讀：

2010.09.23 - EXPO Day 1
2010.09.24 - EXPO Day 2
2010.09.25 - EXPO Day 3
2010.09.26 - EXPO Day 4
2010.09.27 - EXPO Day 5

上海世博行 Shanghai EXPO (2010.09.26 - Day 4)

新加坡館 > 香港館(門口) > 英國館 > 非洲聯合館 > 國家電網館 > 上海企業聯合館 > 可口可樂館(紀念品區) > 中國鐵路館 > 日本產業館 > 中國船舶館 > 城市未來館 > 上汽集團-通用汽車館 > 中國航空館

又食杯麵做早餐，今日竟然下雨，不算大，但也不算細，為遊世博添了一點麻煩

馬當路入口竟泊了一輛爆左軚的警車 @@

____________________

新加玻館：

去到一個播video的戲院，播放新加坡前任總理李光耀的片段，講述他如何打造新加坡由第三世界的漁港，成為第一世界級的國家

但此片刻在中國播有點寸，或者他是有心讓中國人聽見的；因為他說：有第一世界的建設，但沒有第一世界的人民素質，算不上是第一世界的國家

他舉例從前的新加坡，本用坑/芧廁的人，上了高樓大廈，會在升降機撒尿，故此加裝尿素偵測裝置，有尿升降機就停止運作，以作懲戒

 究竟有多少中國人聽得明呢？

______________________

作為香港人，少不了要去香港館，難得香港能參與世博

不過太多人排隊了，也不值得去排，只在門口影影相便算

______________________

徒步行去較遠的英國館，不過可以讓我影下其他沒有入去的展館，還有影不厭的世博巴士

愛沙尼亞館

希臘館

瑞典館

冰島館

烏克蘭館

馬耳他館

匈牙利館

土耳其

______________________

去到英國館，排隊個半小時

其間...有人扮作不經意地插隊

有人很可憐地說太多人，突然"捐"過排隊柱

但最慘的係排隊時，前面兩老伯抽煙，看來他們偷帶了火機進園，他們煙接煙每人5枝，兩人共10枝，我排在後面首當其衝，用雨傘也擋不了，個半小時內硬食了共10枝二手煙....救命~~

英國館真係唔算大，但就是我其中最想入的展館，那個種子聖殿實在非常密密麻麻，內藏的種子真的多不勝數

不過英國館戶外的空間，在下雨天實在不能享受

__________________

之後在非洲聯合館走馬看花

___________________

附近的展館：

南非館

阿根廷館

埃及館

斯洛文尼亞館

突尼西亞館

_________________________

找到BurgerKing!!!!! 開餐!!!!!!!!

秘魯館

哥倫比亞館

巴西館

美國館

_________________________

部相機要換SD card，影爆卡，但係同事出讓買那張8GB SD card真係d慢，開機後要幾秒去load入面d data後先影到

搭世博巴士越江線，穿越黃浦江，去到D,E園區

_________________

去到D,E區

萬科館

中國民企聯合館

上汽集團-通用汽車館

立即再轉搭世博巴士搭龍華東線，落車即見到世博園區內的消防局和警局，還見到有武警車泊左係入面

太空家園館

 __________________________

國家電網館：因為早已預約左，可以行特快通道，基本上不用排長龍

國家電網館「魔盒」 展現一場4分50秒的720度多媒體視聽空間

____________________________

路過石油館

中國企業聯合館，就係出發前為了要在網上用大陸電話號碼奔波預約的展館；幸沒白費功夫，又可以省卻了排長龍的時間

聲稱可以憑場內聲浪控制天花吊燈

上過電視新聞的煮中菜的機械人，不過太多湧埋去，睇唔清楚

呢部「發那科」機器人，聲稱曾協助拍攝荷里活電影

____________________________

可口可樂館，無入，只係買紀念品

___________________

中國鐵路館，睇見國家係高鐵的發展，只能感慨香港實在發展得太遲太慢了

買了一個用鐵路館外牆銅板製作的鎖匙扣

_____________________

天開始入黑了，各展館變得更靚，更有味道

韓國企業聯合館

_____________________

世博特許零售店：掃貨大買手信的時候

___________________


日本產業館，太失望，非常失望，純粹狂迫人睇廣告，最後只得到一個環保袋和三包萬字醬油

_________________

再搭世博巴士，去到中國船舶館，無排隊入場，但室內空間明顯大而無當

____________________

去到世博入面的中國郵政，我地買左多張3D世博明信片，結果我地有館唔入，有飯唔食，喪寫明信片寄返香港

_____________________

HEA行城市未來館，我幾鍾意個主題，過往的夢想實現了現在，現在的夢想將會成就未來，未來源自夢想...

___________________

離開城市未來館後隨影：

___________________

趕到係VIP截龍的時候入到去上汽集團-通用汽車館，否則預約便白費了，而且便會無緣看到今日最值回票價的展館，因為最精彩的就係那些Future Concept Cars，和講述2030年上海交通改變生活的動感影院

最估唔到就係播完段片，熒幕突然落下，後面原來係一個四面舞台，還展現了佢地研發的Concept Cars真車

_______________________

眼見中國航空館還未關門，立即跑入，今次世博行最後一個展館

 

有點衝動買了東航+EXPO飛機模型，有點後悔買貴左，係飛機上的介紹只賣￥60，但係航空館我買左￥150，貴左一倍多，而且也忘了折算人民幣

____________________

啟程離開世博


終於要離開世博，有點不捨

地鐵3號線又收左車

____________________

4晚在上海，4晚都要光顧的FamilyMart

Dinner兼宵夜 @ 24小時麥當奴，一試香港沒有的鹽焗雞，和想像中的好大分別

________________

這4日來在世博和上海市的收鑊：

明天一大清早要啟程回港，要執行李
___________________________

上海世博行 - 延讀：

2010.09.23 - EXPO Day 1
2010.09.24 - EXPO Day 2
2010.09.25 - EXPO Day 3
2010.09.26 - EXPO Day 4
2010.09.27 - EXPO Day 5